联系我们收藏本站设为主页
西甲:火力全开狙击爱斯宾奴 维拉利尔大爆发
日期:2017-9-21 17:44:35
西甲快车周五继续连场激战,首先开波嘅维拉利尔将会坐镇主场迎战爱斯宾奴,主队今季开咧出师不利遭遇两败,不过球队好快重回正轨,近3场联赛同欧霸盃取得3连胜之馀,仲场场开大入3球,进攻火力大爆发,呢场面对近况一般嘅爱斯宾奴,中位数2.5球大盘值得追捧。

「黄色潜艇」开季表现令人大跌眼镜,好大原因系受球员伤病困扰,尤其系队长般奴苏利安奴要养伤冇得踢,呢位防守中场坐镇潜艇中场多年,系球队攻守都唔少得嘅核心人物,开咧两场连败同佢缺阵有莫大关系,不过领队艾斯基巴调整有方,加上班底实力有番咁上下,球队好快踢返争气波,尤其系球队上季头号射手巴卡保,近2场入左3球重拾射门靴,搭住新加盟状态不俗嘅前锋卡路士巴卡,火力劲到冇朋友。

爱奴防线场场失波

对手爱斯宾奴方面,球队上仗终于打破联赛不胜纪录主场全取3分,不过球队后防认真难言稳阵,近3仗失左7球之馀,开咧4仗场场有失波,呢场作客面对攻力强劲嘅维拉利尔,爱斯宾奴条纸一般嘅防线好有机会再中门大开,呢场再开大一啲都唔出奇。